RIP Malfono Simon Kilic Be Habbe

RIP Malfono Simon Kilic Be Habbe

*12.3.1960 Mzizah
+02.12.2013 Delmenhorst

Men Hawi: 'ufoyo du Mnoho Malfono Sem'an (+2.12.2013): Video 37 min : 58sek

Link: https://www.youtube.com/watch?v=FuUls-wQBPQ&list=UUvDkitqpZEqxBRX44T4Y-fg
 


Mimro 'al u Mnoho: Matay Hanuno Gabriel


Kirchengesang von Malfono Simon Kilic Habbe mit Silo Kaya (Silvester 1987)



2001: Patriarch Moran Mor Ignatius überreicht ihm "Nisho d-Mor Afrem" St. Ephraim-Orden

Videos:


Tebe 2: +++Ab der 19. Minute wird über Mnoho Malfono Sem'an berichtet+++

 

Tebe 1: +++Ab 1m:10sek. wird über Mnoho Malfono Sem'an berichtet+++

Veröffentlicht am 21.12.2013
Malfono, hawro, ahuno u farsufo dilonoyo di mdito d'Delmenhorst'we Sımcan Kılıç Be Habbe. Bu kyoneyde ubasimo wu hanuno, uba hanakeyde dıksoyamwo, mıdwole duktho ba lebawotho da Suryoye d'Delmenhorst u dkul ha dadıcle. Bıthır me ağuno rabo dhuwwole mqabıl du kewo du sartono dnafıqwo bguşme, qadırwo dğolabwole. Elo adyawma safreyto 02.12.2013 ğlib lu kriz du lebo uşatıq lebe.

Mawlıd malfono Sımcan 12 Odor 1960 bı qritho dı Mzizah d'Turabdın. U abro d'Maqsi Şabo u maqsiye Merame dbe Habbe'we. Beyn da 7 ahunone u ahwotho, bıthır mi hotheyde i Nure; u abro rabo di iqarthowe.

Mzawığ 23.10.1977 bi qritho d'Mzizah u mhayadwole a hayeyde cam Warde Gümüş be Şarro. Bi şato dan 1978 mgalwele lu athro d'Almanya urakuwwo bi mdito d'Delmenhorst. Mu zuwoğano hawile 5 abne Numan, Andreas, Petrus, Ştefan u Yosef. Ukıtwole 7 nobğe.

Bi şato da 2008 qayıthwole ukewo du sartono du tumor bgushme. B'4 camaliyat dmafıtwole, qadırwo dnoyahle mu kewano. Elo huwwole ağuno rabo hol dqadır dfoyış cali rağlo. Adyawma safreyto i shoctho hedor ba 8 bı kriz du lebo dmafıtle nqil ma hayani. Lfuth imawdconutho dmatilan mi iqartho d'Be Habbe, madyawma uhol yawme dhamsho gımmitarkuwwo i cazeyde bi cito d'Mor Yuhanun da Kfone di mdito d'Delmenhorst.

U mhasyo yidicowe xıd farsufo aktif bi mdito d'Delmenhorst uhedora. Malfono di gudo da şamışyotho d'Delmenhorst'we. Bi şato dan 1997 inaqla da tarte camacat d'Delmenhorst dımhaydiwo udawınwo hdo çamaca u cito, malfono Sımcan mnaqewo urişmawtbo qamoyo di cito.

U mhasyo d'Sımcan Kılıc be Habbe, yidicowe beyn da hawroneyde udu cameyde u Suryoyo ba hanakeyde ubu mahwo şqolo basimo uhanuno dkıtwole. Rhimowe ma yolufe uyolufotheyde di madraşto. Farsufo hadirowe dımcadır wıdsonıd ba şahre, ba hfıtwotho u ba fulhone dıkmısomiwo bgawe di mdito d'Delmenhorst. Cala fulhonani dhawiwole, bi şato dan 2001 qayıthwole u şukono d'Mor Afrem mi qadişutho du fatıryarxo di cito Suryoyto mor İğnatiyos Zakay Qadmoyo Beth Aywas.

Mi şato da 2004 dımşatıs u froshezwo d'SuroyoTV, hawıwo ma msawroneydan ma kameramaneydan a qamoye ulo mqasarle bi mcadronutho maddi umacnawi dımqadamle lu froshezwo d'SuroyoTV. A suwore dıkmisomiwo b'Delmenhorst u Bremen kuleyye, huwwe msawarwolın wımşadarwolın leşan dmisomi tahrazyotho umıfrosi bu froshezwo. Uhadomo aktifwe leşan a fulhone marduthoye u umthoye dıkmisomiwo mu taraf du froshezwo.

Link: https://www.youtube.com/watch?v=FuUls-wQBPQ&list=UUvDkitqpZEqxBRX44T4Y-fg

Nach oben